|
|
  
|
Forsíða
|
   |
||||||||||||||||||||||||||||||||||||||||||
|
|
|
|
Forsíða
|
|
||||||||||||||||||||||||||||||||||||||||||
Hin árlega upplestrarkeppni í 7. bekk var haldin í Salnum 8. mars sl. Keppendur voru 18 frá 9 grunnskólum í Kópavogi. Sigurvegari að þessu sinni var Katrín Kristinsdóttir, Salaskóla. Í 2. sæti var Ingveldur Lúðvíksdóttir Gröndal, Snælandsskóla og í 3. sæti var Marta Andrésdóttir, Snælandsskóla.
Guðríður Gísladóttir, Kópavogsbúi til margra ára, færði um daginn Náttúrufræðistofu Kópavogs að gjöf myndarlegt safn steina og kristalla sem hún og eiginmaður hennar, Haukur heitinn Einarsson, höfðu safnað víðs vegar að af landinu. Að sögn Hilmars J. Malmquist forstöðumanns Náttúrufræðistofunnar er góður fengur að gjöfinni. 
Sýning um Sveinbjörn Sveinbjörnsson, tónskáld og höfund íslenska þjóðsöngsins, verður opnuð í Tónlistarsafni Íslands að Hábraut 2 í Kópavogi á laugardag. Kveikjan að sýningunni er sú að safninu hafa borist fjöldi muna frá Eleanor Oltean, barnabarni Sveinbjörns í Kanada, sem aldrei fyrr hafa komið almenningi fyrir sjónir. 
Tónlistarskólarnir í Kópavogi verða með atriði á fortónleikum árlegrar uppskeruhátíðar tónlistarskóla landsins. Fortónleikarnir verða haldnir í tónleikasal FÍH í Rauðagerði laugardaginn 12. mars kl. 11:00, 13:00 og 14:30. Þar verða valin atriði til að taka þátt í lokatónleikum uppskeruhátíðarinnar 26. mars. Allir eru velkomnir og aðgangur ókeypis.